2018 жылғы 22 қыркүйекте Павлодар химико-механикалық колледжінің кубогі үшін шағын-футболдан ашық турнир өтті. Аталмыш турнирге 5 команда қатысты. Турнирдің қорытындысы бойынша ТНГ 18-9-1 тобы жеңімпаз атанды, ПХМК 4 курсының құрама командасы күмісті иеленді, ал турнирдің қонақтары UVR командасы қола жүлдеге ие болды. Сонымен қатар, турнирдің үздік ойыншылары анықталды: үздік ойыншы Кайырбек Алмаз (ТНГ 18-9-1), үздік бомбардир Сембаев Мухаммед (ТНГ 18-9-1), үздік қорғаушы Камалов Султан (ПХМК 4 курсының құрама командасы) және үздік шабуылшы Латов Александр (ПХМК 4 курсының құрама командасы).

2018 жылғы 8 қыркүйек күні «Қалалық саябақ» Орталық мәдениет және демалыс паркінде Денсаулық күніне арналған спорттық іс-шара өтті.  Павлодар химико-механикалық колледжі аталмыш шараның қатысушыларының бірі болды. Біздің колледж футбол, баскетбол және уақытқа өткізілген спорттық жарыстарға қатысты. Колледжіміздің студенттері ұйымдастырылған барлық спорттық жарыстарда белсенділік таныта білді.  Павлодар химико-механикалық колледжі командасының құрамына 30 студент кіріп, оның 10 студенті футболдан өткен турнирдің, 10 студент баскетбол жарысының, ал қалғандары түрлі  спорттық сайыстардың қатысушылары болды.

С 3 сентября 2018 года был открыт уголок самообслуживания на получение электронных государственных услуг. Уголок самообслуживания размещен на 2 этаже в библиотеке колледжа. Инструкция по использованию портала Egov.kz. размещен на компьютере.

2018 жылғы шілденің 16-нан 21-не дейін Қарағанды облысының Спасск ауылында «Айбын» әскери-патриоттық жастар жиыны өтті. Бұл іс-шараның мақсаты жастар арасында әскери-патриоттық жұмысты жетілдіру және ҚР әскери күшінің имиджін арттыру болды. Бұл жиынға әскери-патриоттық клубтардың, әскери мектеп-интернаттардың тәрбиеленушілері және студенттер қатысты. Павлодар химико-механикалық колледжінің студенттері белсенділік танытты, Ефремов Герман және Бакыев Рыспек жеңімпаз атанып, медальдармен, грамоталармен және бағалы сыйлықтармен марапатталды.

Студенттік жатақханаларды бөлу барысының ашықтығын қамтамасыз ету және жемқорлық көріністерінің алдын алу бойынша қоғамдық бақылауды күшейту мақсатында, Мемлекеттік қызмет істері және сыбайлас жемқорлыққа қарсы іс-қимыл агенттігінің Павлодар облысы бойынша департаменті Арнайы мониторингтік топтарының мүшелерімен бірлесіп қоғамдық бақылау жүргізуде.

Студенттік жатақханадан орын алу барысында жемқорлық көріністерінің фактілері орын алған жағдайда Мемлекеттік қызмет істері және сыбайлас жемқорлыққа қарсы іс-қимыл агенттігінің Павлодар облысы бойынша департаментіне жүгінуге болады.

Департаменттің мекен-жайы: Павлодар қаласы Жеңіс алаңы 5А, сыбайлас жемқорлық профилактикасы басқармасы, 4 қабат, 407 кабинет, байланыс телефондары 20-86-33, 20-85-60, WhatsApp-желісі 8 747 404 1424.