2019 жылғы 14 наурызда колледжде «Наурыз мейрамы» мерекесі қарсаңында бірінші және екінші курстар арасында үстел ойындары (дойбы, тоғызқұмалақ) бойынша турнир өтті.
Турнир қорытындысы:
1 орын – Клишина Любовь
2 орын – Иманбаев Саламат
3 орын – Зен Гульнур
Наурыз-мейрамы қарсаңында «Павлодар химия-механикалық колледжі» КМҚК-да жаппай флешмоб өтті. Оған 1-2 курс студенттері қатысты. Әр топ өзінің би өнерін көрсетті
2019 жылдың 18 наурызында колледжде «Наурыз» мерекесі аясында 1-2 курс топтары арасында «Қош келдің, Наурыз, мол болсын дәм-тұз» атты іс-шарасы өтті. Іс-шараға ТНГ-18-9-1, ТНГ-18-9-2, ТОРО-18-9, ТНВ-18-9, ТНГ-17-9, ТОРО-17-9, ТНВ-17-9 топтары қатысты. 1 курс студенттері бауырсақ, ал 2 курс – наурызкөже –қазақ ұлттық тағамдары туралы презентация жасады, кейін колледж асханасында өз топтастырына дәм татырды.
Іс-шара мақсаттары: ұлттық тағамдар туралы тереңірек мағлұматтар беру, «ой-қозғау» тәсілдері арқылы студенттердің танымдылықтарын дамыту, қызығушылықтарын арттыру; қазақтың ұлттық тағамдарының ерекшелігі мен құндылығын, қазақ халқының қонақжай дәстүрін құрметтеуге тәрбиелеу.
2019 жылдың 14 наурызында колледжде «Наурыз» мерекесі аясында 1 курс топтары арасында іс-шара өтті. Іс-шараға ТНГ-18-9-1, ТНГ-18-9-2, ТОРО-18-9, ТНВ-18-9 қатысты.
Іс-шара қазақ дәстүрлері, әдет-ғұрыптары, ұлттық тағамдары, ұлттық киімдері мен Наурыз мерекесі туралы білімдердің ойын түрінде өтті. Қатысушыларға алғыс хаттар табыс етілді.
Наурыз – шығыс халықтары үшін өзіне тән қайталанбас белгісі бар ерекше мереке. Наурыз – бақыттың бастамасы, ұлылықтың ұйтқысы, жақсылықтың жаршысы, жаңарудың белгісі, тіршіліктің тынысы, көңілге жыр сыйлаған, сезімге гүл сыйлаған, халық қастерлеген қасиетті күн! Сондықтан да ол барша жұрт асығып күтетін жарқын мереке – жыл басы.
