Наурыз – шығыс халықтары үшін өзіне тән қайталанбас белгісі бар ерекше мереке. Наурыз – бақыттың бастамасы, ұлылықтың ұйтқысы, жақсылықтың жаршысы, жаңарудың белгісі, тіршіліктің тынысы, көңілге жыр сыйлаған, сезімге гүл сыйлаған, халық қастерлеген қасиетті күн! Сондықтан да ол барша жұрт асығып күтетін жарқын мереке – жыл басы.
2019 жылдың 13 – наурызы күні Павлодар химия-механикалық колледжінің кітапхана қызметкерлері «Ұлыстың ұлы күні – әз Наурыз» атты кітапханалық сағат өткізді. Осы мерекелік шарамен колледжде «Наурыз мейрамы» атты мереке күндері басталып кетті және олар наурыздың 20-на дейін жалғасатын болады. Кітапхананың оқу залында «Хош келдің, әз Наурыз!» атты кітап көрмесі ұйымдастырылды және ол көрме бойынша ақпарат шара барысында оқырмандарға экран арқылы берілді.
Шараға колледж оқушылары қатысты, олар Наурыз мерекесіне арналған жыр шумақтарын отырған көпшілікке тарту етті. Қатысқандар Скаков Рүстем, Вихляев Александр ТНГ 18-9-1; 2 топтарынан және ТОРО 18-9 тобының оқушысы Жабайхан Олжас. Мерекелік шара колледждің бірінші курс студенттеріне арналып дайындалып өткізілді. Барлығы 70 адам қатысты.
