19 қазанда біздің колледжде Республика күніне арналған 3 тілде: қазақ, орыс, ағылшын тілінде “Қыран елім – Қазақстаным!” атты жалпықазақстандық 1-курстар арасындағы диктант өткізілді
Колледж студенттері Республика күнін мерекелеуге арналған жалпықазақстандық, республикалық диктант жазу акциясына белсенді түрде ат салысты. Диктант өткізудің негізгі мақсаты – мемлекеттің құндылықтары мен қағидаттарына құрметпен қарау, ұлттық бірлікті қалыптастыру және қоғамдық келісімді нығайту, Отанға деген сүйіспеншілік пен патриотизм сезімін тәрбиелеу.
Диктант жазу акциясы студенттердің үлкен қызығушылығын тудырды. Сабақтың басы әнұран айтумен басталды, кейін диктант жазылды. Студенттер оны қатесіз, сауатты жазуға тырысты. Іс – шараны қазақ тілі және әдебиеті, орыс тілі мен әдебиеті, шет тілі пәндерінің оқытушылары Н.А.Якубова, А.Е.Мукушева, А. А. Сагимбаева, Д.Т. Тлеугазиева және А.Н.Сәрсембаева өткізді.
