Іс-шара барысында колледжде қолайлы және қауіпсіз білім беру ортасын құрудың психологиялық-педагогикалық шарттары туралы білімді тереңдету мәселелері қаралды.
Спикерлер семинарға қатысушыларды қорқыту ұғымымен және кибербуллингтің ерекшеліктерімен, сондай-ақ жастар ортасында қорқытудың алдын алу және оған қарсы іс-қимыл мәселелері бойынша өзекті заманауи ресурстармен таныстырды. Қатысушылар осындай жағдайларда өзін қалай ұстау керектігі туралы негізгі ұсыныстарды талқылады. Білім беру ұйымдарындағы жасөспірімдерді қорлау мен қорқытуға байланысты жағдайлар туралы әлеуметтік бейне роликтің үзіндісін қарау мысалында қиын жағдайлардан шығу әдістері талданып, студенттерге психологиялық және әлеуметтік қолдау көрсету бойынша практикалық ұсыныстар берілді.
Әдістемелік семинардың қызықты тұсы осы тақырып бойынша курстардан өткен педагогтардың тренингтерін өткізу болды. Ситуациялық тапсырмаларды, сұрақ-жауап жаттығуларын: қорқыту құрбанының түрлері мен белгілерін, «Жұлдызды карта» жаттығуын талдай отырып, мұғалімдер қорқыту мен кибербуллингтің негізгі себептерін және оның құрбандарға, агрессорлар мен куәгерлерге әсерін жақсы түсінді. Қорқытуды тану және онымен жұмыс істеу дағдыларын үйренді.
Семинар барысында педагогтар психологтан практикалық кеңестер мен ұсыныстар алды.
Семинарға қатысушылар семинар тақырыбының маңыздылығы мен өзектілігін, презентацияның қолжетімділігін, нақты жағдайларды шешуде тәжірибе алу мүмкіндігін атап өтті.
Кездесу соңында соңғы уақытта мемлекетімізде салауатты ұлтты тәрбиелеу мақсатында ұжымда өзара іс-қимыл және қолайлы климатты сақтау мәселелеріне көп көңіл бөлінгенін атап өтті.
