Колледж жұмысының барлық жүйесін біртұтас тұтастыққа біріктіретін оқытушылардың педагогикалық шеберлігін арттырудың маңызды құралы әдістемелік жұмыс болып табылады. Әдістемелік жұмыс Заманауи педагогтың кәсібилігінің көрсеткіші болып табылады. Білім беру мекемесінің әдістемелік қызметінің бағыттары: аналитикалық, ақпараттық, ұйымдастыру-әдістемелік, кеңес беру және т.б.
«Павлодар химия-механикалық колледжі» КМҚК әдістемелік қызметтің дәстүрлі құрылымы: әр түрлі ұжымдық және жеке жұмыс түрлерін ай сайын өткізу кестесі жасалады, аттестатталатын педагог қызметкерлермен, жас педагогтармен консультациялар өткізіледі, педагог қызметкерлердің кәсіби біліктілігі мен құзыреттілігін жоспарлы арттыру жүзеге асырылады, диагностика жүргізіледі және оқу жылы үшін педагогикалық еңбектің тиімділік көрсеткіштерінің рейтингі жүргізіледі. Әдістемелік және кәсіби өсуді бақылау жүйелі түрде жүзеге асырылады. Өйткені, студенттердің оқу іс-әрекетін ұйымдастыру оқытушыға, оның шеберлігіне, құзыреттілігіне тікелей байланысты. Дәл осы бағыттарға үлкен көңіл бөлінеді.
2018 жылдан бастап колледждің инженерлік-педагогикалық ұжымы «Білім беруде модульдік-құзыреттілік тәсілді іске асыру, бәсекеге қабілетті маман даярлаудың шарты ретінде» бірыңғай әдістемелік тақырыбымен жұмыс жүргізуде.
Мақсаты: ақпараттық-коммуникациялық технологиялар негізінде модульдік-құзыреттілік тәсілдеменің жаңа білім беру бағдарламаларын іске асыру жағдайында колледж оқытушыларының инновациялық қызметін ынталандыру.
Міндеттер:
- модульдік-құзыреттілік тәсіл және интерактивті оқыту технологиялары негізінде әзірленген бағдарламаларды білім беру процесіне енгізу;
- инновациялық педагогикалық тәжірибені зерттеу, жалпылау және тарату арқылы колледж оқытушыларының кәсіби құзыреттілік деңгейін арттыруға, олардың педагогикалық шеберлігінің өсуіне және шығармашылық әлеуетін дамытуға жәрдемдесу;
- оқу-тәрбие үрдісін кешенді ақпараттық-коммуникациялық және оқу-әдістемелік сүйемелдеуді қамтамасыз ету;
- студенттердің кәсіби дайындық үдерісін ғылыми-әдістемелік сүйемелдеуді жетілдіру;
- оқытушылар мен студенттердің зерттеу жұмыстарын ұйымдастыру;
- оқу-әдістемелік құралдар мен әдістемелік әзірлемелер жасау жөніндегі жұмысты жандандыру;
- облыстық, республикалық және халықаралық деңгейдегі ғылыми-әдістемелік журналдарда оқытушылардың баспа қызметін жандандыру (педагогикалық тәжірибені тарату).
Бұл тақырыпты таңдау ТжКБ проблемаларына негізделеді, олар біздің колледждің проблемалары болып табылады – бұл оқытудағы модульдік-құзыреттілік тәсілге көшу, инновациялық педагогикалық технологияларды қолдануды жетілдіру, мамандардың функционалдық сауаттылығын қалыптастыру (кәсіби құзыреттер).
Колледждің әдістемелік жұмысын ұйымдастыру жүйесі нормативтік құжаттарға негізделеді, олардың негізін мыналар құрайды:
- Қазақстан Республикасының «Білім туралы» Заңы;
- Қазақстан Республикасының нормативті және құқықтық актілер;
- Қазақстан Республикасының «Педагог мәртебесі» Заңы
- Колледж жарғысы;
- Ішкі нормативті құжаттар;
- Оқу-әдістемелік жұмысты реттейтін ережелер.
