Біздің топ ТНГ-17-9 өртке қарсы бөліміне барды. Алғашқы минуттан бастап, бізді кілемнің жарқылымен және өрт қауіпсіздігі саласындағы терең білімімен соқыр етіп жіберді. Біз өрт сөндірушінің қызықты мамандығымен таныстық. Және біз үшін басты тосын болды,  өрт сөндірушілер мүлдем басқа адамдар. Сыныптастарымыздың бет-әлпеттерінің керемет қуанышына қарағанда, саяхат сәтті өтті.

2018 жылдың 1 желтоқсан күні «Тұңғыш Президент» күні қарсаңында Павлодар қаласының жағалауында жаппай жүгіру  өтті. Осы жүгіруге Павлодар қаласының тұрғындары, ішкі істер органдарының қызметкерлері, сондай-ақ колледж студенттері қатысты. Біздің колледж де (ПХМК) бұл шарадан тыс қалмай, белсенді ат салысты.

Қазақстан Республикасы Президентінің 2018 жылғы 19 ақпандағы  № 637 Жарлығына және Қазақстан Республикасы Премьер-Министрінің 2018 жылғы 18 наурыздағы № 27 өкімімен бекітілген «Қазақ тілі әліпбиін латын графикасына 2025 жылға дейін кезең-кезеңімен көшіру жөніндегі іс-шаралар жоспарына» сәйкес республика бойынша жалпыхалықтық диктант өткізілді.

Осы орайда 2018 жылдың 14 қараша күні Павлодар химия-механикалық колледжінің әкімшілік қызметкерлеріне, оқытушыларына және студенттеріне латыннегізді қазақ тілі әліпбиімен диктант жазу өткізілді.

Шараның мақсаты, латыннегізді қазақ тілі әліпбиінің, «Қазақ тілі емілесінің негізгі ережелері» жобасының практикалық тұрғыда меңгерілуін жан-жақты қамту, нақтылай түсу, өзін-өзі бағалау, бейімделу болып табылады.

2018 жылғы 30-31 қазан күндері «Павлодархимия-механикалық колледжі» КМҚК-да «МӘҢГІЛІК ЕЛ ЖАСТАРЫ – ИНДУСТРИЯҒА!» – «СЕРПІН» әлеуметтік жобасының аясында оқитын студенттер арасында «МенішыңдағанСерпін» атты Кәсіби шеберліктің республикалық байқауы өтті. Кәсіби шеберлік байқауына «Экология» құзыреттілігі бойынша білім алатын студенттер қатысты.

Павлодар химия-механикалық колледжінде 21 қыркүйек күні тілдер мерекесіне орай және тілдер декадасының аясында «Жаңғыру – жазудан басталады» атты латын әліпбиіне көшудегі мақсат, міндеттер жайлы сөз қозғалған дөңгелек үстел өтті. Шара қонақтары болып облысымыздың зиялы қауым өкілдері, тілші ғалымдар, ұстаздар, студенттер шақырылды. Атап өтетін болса, Тұрышев Айтмұхамбет Қасымханұлы филология ғылымдарының докторы, профессор, Амантай Тойшыбайұлы филология ғылымдарының кандидаты, Мәзһаб діни порталының бас редакторы, Хафиз Ғабит Жастар бастамасын дамыту орталығы, еріктілер бөлімінің жетекшісі шара қонақтары болды.

Шараның мақсаты латын әліпбиіне көшудегі қиындықтар мен жасалуы қажет жұмыстарды студент жастарға түсіндіру және насихаттау. Шара барысында ел болашағы латын әліпбиінде екендігі түсіндіріліп, осы жолда «бір жеңнен қол, бір жағадан бас шығару» қажет екендігі түсіндірілді. Осы орайда студеттер де көкейлерінде жүрген сауалдарға тұшымды жауап ала алды. Шара соңында келген қонақтар қауымы, жастар, студенттер  болып жарқын ел болашағына негізделген ауқымды шараға өз тараптарынан жан-жақты қатысуға, жылдам әрі оңай өтуімізге тамшыдай болса да септігін тигізуге уағдаласты.