Жалпыадамзаттық құндылықтар білім беру жүйесіндегі басты бағдар болып табылады, бұл өзгермейтін нәрсе – махаббат, дұрыс әрекет және әділдік, өмірдің барлық көріністеріне құрметпен, рақымдылықпен және шыдамдылықпен қарау.

«Сүйіспеншілік – адамның басты қасиеті, ақиқат – оның негізі, дұрыс әрекет – оның шынайы өмірі» коучингі аясында МГҚТ 19-9-1 тобының студенттері шығармашылық нөмірлерін көрсетті: «Сүйіспеншілік» жалпыадамзаттық құндылықтарын талқылаған кезде Останин Артем                       Р. Рождественскийдің «Все начинается с любви» өлеңін оқып берді, ал «Бейзорлық» құндылығын талқылағанда Әнуарбек Наурызбай «Мейірімді болайық» композициясын гитарада орындап берді.

«Рухани Жағыры» бағдарламасы аясында 2019 жылдың 22 қарашасында Павлодар химия-механикалық колледжінің студенттері оқытушылар А.Т. Естаев және А.К. Ахмедьяновамен бірге республикамыздың астанасы Нұр-Сұлтанға «Қазақстан Республикасының Тұңғыш Президенті Күнін» мерекелеуге арналған экскурсияға аттанды. Біз «Қазақстан Республикасы Тұңғыш Президентінің Музейі – Елбасы» -да болдық. Мұнда бірегей мұрағаттық құжаттар мен ғылыми еңбектер, сыйлықтар мен кітаптар жиынтығы, марапаттар және қазіргі Қазақстанның тарихымен тікелей байланысты және мемлекет пен қоғамның тарихын ашатын, елдің тұңғыш президентінің қызметін сипаттайтын басқа да заттар ұсынылған. Мұражай қабырғасында сақталғанның бәрі өзгеріссіз сақталған. Студенттер көптеген қызықты мәліметтер мен жағымды эмоциялар алды.

2019 жылдың 14 қарашасында Павлодар химия-механикалық колледжінің конференц залында студенттерге «Кәсіпкерлік қызмет негіздері» пәнін оқыту жобасының аясында Павлодар облысының кәсіпкерлер палатасының қолдауымен ұйымдастырылған дәріс өткізілді. Дәріс қонақтары Павлодар облысы прокуратурасының қызметкері Кундызбаев Жанат Маратович және «Темирмаш» ЖШС өкілі Фоменко Андрей Сергеевич.

Іс-шараға ӨЖТҚКЖ 17-9 және БЗТ 17-9 тобының оқушылары қатысты. Негізгі мақсат – жастарда экономикалық ойлау мен кәсіпкерлік қызмет дағдыларын қалыпастыру, сондай-ақ бизнес өкілдерінің тәжірибесін зерделеу.

Кездесу өткізу барысында кәсіпкерлер палатасының адам капиталын дамыту бөлімінің бастығы Абылгазина Ажар Арыстановна «Атамекен» ҰКП-ның қызметі туралы, кәсіпкерлік қызметті мемлекеттік қолдау шаралары туралы айтып берді. Фоменко А.С. өзінің тәжірибесімен бөлісіп, студенттерді жатпай-тұрмай еңбек етуге, нақты мақсаттар қойып, оларға жету үшін барлығын жасауға шақырды. Кундызбаев Ж.М. өз ісін ұйымдастырудың құқықтық мәселелеріне тоқталды және заңды бұзған үшін жауапкершілікке тартылу жөніндегі сұрақтарға назар аударды. Тыңдаушылар көптеген қызықты және танымдық ақпарат алды.

2019 жылы қарашаның 14 Павлодар тарихи-өлкетану мұражай қызметкерлері тың игерудің 65 жылдығына арналған “Саған бидай масағын сыйлаймын” атты іс – шарасын өткізді.

Іс-шараға Павлодар қаласының құрметті тұрғыны, тарихшы-өлкетанушы Соколкин Эрнст Дмитриевич қатысып, студенттерге біздің облысқа бүкіл Кеңес Одағынан келген алғашқы тың игерушілер туралы, тың және тыңайған жерлері,  Павлодар облысы  Қазақстанның ғана емес, Кеңес Одағының ірі астық шаруашылығы орталығына айналғаны туралы  айтты.