Бүгін, 22 желтоқсанда М.М. Катаев атындағы Оқушылар сарайында облыс әкімі А.Б. Сқақовтың қатысуымен «Тәуелсіздік ұланы» сыйлығының иегерлерін салтанатты марапаттау рәсімі өтті.

Біздің студенттер: Анисимов Руслан – спорттық акробатикадан спорт шебері, Қазақстанның бірнеше дүркін чемпионы, халықаралық турнирлер мен жарыстардың жүлдегері, 2021 жылғы спорттық акробатикадан Әлем чемпионатының қатысушысы «Спорттық шеберлік» номинациясы бойынша марапатталды. Вихляев Александр – «Ғылым және білім» саласындағы «Мен кәсіпкермін» республикалық конкурсының жеңімпазы». «Shell Қазақстан» қаржылық қолдауымен және серіктестікте «KAZENERGY» Қауымдастығы ұйымдастырған «Student Energy Challenge – Junior» республикалық байқауының жүлдегері «Кәсіби шеберлік» номинациясы бойынша марапатталды.

Біздің студенттерді кезекті жеңісімен құттықтаймыз! Жаңа биіктерді бағындыруға, табыс және барлық жоспарларынды іске асыруға тілектеспіз! Сендер біздің мақтанышымыз!!!

«ҚР колледждерінің ТОП-100 студенті» республикалық байқауы аяқталды. Жоба Қазақстан Республикасының техникалық және кәсіптік, орта білімнен кейінгі білім беру ұйымдарының 100 үздік студенттерін тануға бағытталған.

Онлайн дауыс беру қорытындысы бойынша ҚР колледждерінің 100 үздік студенті анықталды, олардың ішінде біздің колледж студенті Руслан Анисимов байқау жеңімпаздарының қатарына кірді.  Бұл үлкен жетістік! Республикалық кезеңге еліміздің барлық өңірлерінен 200-ге жуық студент іріктелді. «ҚР колледждерінің ТОП-100 студенті» атағына дарынды балалар, халықаралық және республикалық жобалардың, Worldskills чемпионаттарының, олимпиадалардың, байқаулардың, жарыстардың көшбасшылары мен белсенді қатысушылары қатысты. Өзінің табандылығымен, мақсаттылығымен, өз ісінде ең жақсы болуға деген үлкен ықыласымен Руслан жеңіске жетті.

Руслан Анисимовты кезекті жеңісімен құттықтаймыз! Жаңа биіктерді бағындыруға, табыс және барлық жоспарларынды іске асыруға тілектеспіз!

Тұңғыш Президент күніне орай колледж кітапханасында “Менің тұңғыш Президентім!”фотокөрмесі безендірілді. Фотокөрмеде Н.Назарбаевтың Павлодар облысының өнеркәсіптік нысандарын аралауының, жастармен және ардагерлермен кездесуінің фотосуреттері ұсынылған. Колледж оқушыларына тарих пәнінің оқытушысы Жомартова А.З.көрме бойынша экскурсия өткізді.

18 қарашада 1 курс студенттері Торайғыров атындағы облыстық кітапханада өткен «Тәуелсіз Қазақстанның кітаптары. Павлодар Ертіс өңірі» кітап-иллюстрациялық көрмесінің ашылуына барды.

Көрме Тәуелсіздіктің 30 жылдығына және ҚР Тұңғыш Президенті күніне арналды. Тәуелсіз Қазақстанның қалыптасу тарихы тарих жылнамасы болып табылатын кітаптардан көрініс тапты.

Балалар тәуелсіздік жылдары Павлодар облысында жарық көрген кітаптармен танысып, «Әлем таныған тұлға», «Тарих», «Экономика және саясат», «Әдебиет және өнер» бөлімдерімен танысты.

Көрменің ашылуында «Нұр Отан» партиясы жанындағы «Жас Отан» жастар қанаты ҚБ Павлодар облыстық филиалының басшысы С.О. Жүсіпова, «Баспасөз үйі» ЖШС бас директоры                    Е.А. Писаревская алғы сөз сөйледі.