“Кәсіпкерлік қызмет негіздері” пәні бойынша студенттерді оқыту бағдарламасы аясында 28 қарашада Павлодар химия-механикалық колледжінің конференц-залында бизнес-жобаларды қорғаудың кезекті кезеңі өтті.

Студенттер сараптама комиссиясы алдында өздерінің бизнес-жобаларын қорғады. Сараптама  комиссиясы құрамына ҚР “Атамекен” Ұлттық Кәсіпкерлер палатасының өкілі Дидар Қыпшақбаев кірді

“Қағаз пакеттер өндірісі”, “Жарнама агенттігін ұйымдастыру”, “Кілемдерді химиялық тазалау”тақырыптары бойынша табысты жұмыстар атап өтілді.

Оқу кезінде студенттер бизнес-жобаларды дайындауда, инвестициялық қаражатты тартуда білім мен тәжірибелік дағдыларды алды, кәсіпкерлік саласындағы маркетинг пен салық салудың ерекшеліктері туралы білді, өз жұмыстарын таныстыру тәжірибесін алды.

Менің тілімнің шекарасы – менің әлемімнің шекарасы.

(Людвиг Витгенштейн)

Ағылшын тілін білу – әртүрлі   мамандықтардың болашақ иелері үшін міндетті шарт болып табылады. Қазіргі уақытта елдер арасындағы шекаралар жойылған кезде тілдерді білу басқа ұлт өкілдерімен қарым-қатынас жасау үшін шексіз мүмкіндіктер ашады. Тілдерді үйрене отырып, өз-өзіңді, өзіңнің ана тіліңді, өзіңнің мәдениетіңді, өз халқың мен бүкіл әлемді жақсырақ түсінуге болады.

Студенттердің тілтанымдық құзыреттерін, қарым-қатынас жасау қабілеттерін, ғылыми қызметке деген қызығушылығын дамыту мақсатында 2019-2020 оқу жылында халықаралық олимпиадалар циклінде «Мен – тіл маманымын» тақырыбында шетел тілдерінің халықаралық сайысы өтті. Павлодар химия-механикалық колледжінің 1 курс студентттері де ағылшын тілі оқытушысы Байльдинова Айнур Ергалиевнаның жетекшілігімен сайыс қатысушылары атанып, Останин Артём (МГҚТ 19-9-1 тобы), Базарбаева Асылана (БЗТ 19-9 тобы) 3-ші дәрежелі Диплом, ал қалған қатысушылар – сертификаттар алды.

Барлық қатысушыларға шетел тілін үйрену пайдалы болсын, көп қуаныш пен жаңа әсерлер әкелсін деп тілейміз!

2019 жылдың 26 қарашасында «Павлодар техникалық сервис колледжінің» базасында Павлодар облысы колледждерінің студенттері арасында «Салауатты өмір салтын насихаттау» жобасының аясында «Жастардың репродуктивті денсаулығын қорғау» атты облыстық конференция өтті.

«Павлодар химия-механикалық колледжінің» 0808000 «Мұнай, газ өңдеу және химия өнеркәсібінің жабдықтарына техникалық қызмет көрсету және жөндеу» мамандығы бойынша ӨЖТҚКЖ 19-9-2 тобының 1 курс студенті Сугуров Нұрдаулет «Қазіргі жастардың ата-ана болуға дайындық тенденциясы» бағыты бойынша «Қазіргі жастардың ерте неке құруға көзқарасы» тақырыбындағы баяндама жасады, ол қазылар алқасы қойған барлық сұрақтарға жауап беріп, екінші орын алды.

Оқытушылар Н.Н. Пфунттың және Г.Н. Смаилованың жетекшілігімен Нұрдаулет 1 курс студенттерінің арасында өзінің тақырыбы бойынша зерттеу жұмысын өткізді.

Нұрдаулетке зерттеушілік бастамаларында сәттілік тілейміз!!!

2019 жылдың 22 қарашасында Қарағанды қаласында спорттық акробатика бойынша Қазақстан Кубогына жарыс өтті, оған еліміздің ең мықты спортшылары қатысты. ӨЖТҚКЖ 19-9-2 тобының 1 курс студенті Анисимов Русланды республикалық жарыстарда 2-ші орын алғанымен құттықтаймыз және жаңа тұғырларды бағындырып, алға ұмтылуды тілейміз!

Жалпыадамзаттық құндылықтар білім беру жүйесіндегі басты бағдар болып табылады, бұл өзгермейтін нәрсе – махаббат, дұрыс әрекет және әділдік, өмірдің барлық көріністеріне құрметпен, рақымдылықпен және шыдамдылықпен қарау.

«Сүйіспеншілік – адамның басты қасиеті, ақиқат – оның негізі, дұрыс әрекет – оның шынайы өмірі» коучингі аясында МГҚТ 19-9-1 тобының студенттері шығармашылық нөмірлерін көрсетті: «Сүйіспеншілік» жалпыадамзаттық құндылықтарын талқылаған кезде Останин Артем                       Р. Рождественскийдің «Все начинается с любви» өлеңін оқып берді, ал «Бейзорлық» құндылығын талқылағанда Әнуарбек Наурызбай «Мейірімді болайық» композициясын гитарада орындап берді.