20 қыркүйекте колледжде «Тәуелсіздіктің жетістігі» тақырыбында бірыңғай сынып сағаттары өтті. Спикерлер: Павлодар облысы ҚХА жастар қанатының төрағасы, «Нұр Отан» партиясының белсендісі, журналистер одағының мүшесі, тарих ғылымдарының магистрі Р.Р.Смайылов, Тұран -Астана университеті жауапты хатшысының орынбасары Бил Т.Ю. Студенттер мен спикерлер Қазақстанның Тәуелсіздік жылдарында қол жеткізген барлық жетістіктері мақсатқа жету жолын анықтайтынын атап өтті. Тәуелсіздік – кез келген мемлекеттің басты байлығы. Әр түрлі халықтар әр түрлі жолмен тәуелсіздікке революциялар, соғыстар, ұлт -азаттық соғыстар арқылы жетеді. Қазақстан үшін 1986 жылғы Желтоқсан оқиғасы халықтың егемендікке және өзін-өзі билеуге ұмтылысының бастауы болды. 1991 жылы 16 желтоқсанда Қазақстан Республикасының Жоғарғы Кеңесі «Қазақстан Республикасының мемлекеттік тәуелсіздігі туралы» Конституциялық Заңды қабылдады. Биыл біз басты мереке – Тәуелсіздік күніне, «Қазақстан Республикасы» деп аталатын егеменді мемлекеттің құрылғанына 30 жыл толуын атап өтеміз. Тәуелсіздік жылдарында Қазақстан өркендеген, халықаралық аренада танымал дамушы елге айналды.

14-24 қыркүйек аралығында «Павлодар химия -механикалық колледжі» КМҚК «Қазақстан халқының Тілдері күніне» арналған онкүндік өтеді. Онкүндіктің ашылуы «Көп тілді білу-заман талабы» деп аталатын ауызша журналды өткізу арқылы өтті Мақсаты: оқушылардың тіл үйренуге қызығушылығын арттыру; үш тілде (қазақ, орыс, ағылшын) қарым -қатынас дағдыларын жетілдіру, оқушылардың сөйлеу әрекетін табиғи нормаларға жақындату; эстетикалық талғамын, толеранттылығын, мемлекеттік тілді, өз ана және оқылатын тілдерді құрметтеуге тәрбиелеу.

Бүгін колледжде «Мәшһүр Жүсіп Көпеевтің мұрасы» тақырыбында Адалдық сағаты өтті. Бейнероликті қарау ұйымдастырылды.

2021 жылғы 3 қыркүйекте «Мың бала» мәдени-ағартушылық жобасы іске

асыру аясында «Павлодар химия-механикалық колледжі» КМҚК-де жалпықазақстандық ашық диктант өткізілді. Қазақстан Республикасы Тәуелсіздігінің 30 жылдығына арналған диктант «Тәуелсіздік – басты құндылығымыз!» тақырыбында өтті.

Диктант жазудың негізгі мақсаты – этносаралық қатынас тілі ретінде мемлекеттік тілдің қолданылу аясын кеңейту арқылы қазақстандық бірегейлікті қалыптастыру, қоғамдық келісім мен ел бірлігін нығайту.

Колледжде диктантты қазақ тілі пәнінің оқытушылары Якубова Н.А. және Смаилова Л.К ұйымдастырды. Бұл іс-шараға 1 және 2 курс оқушылары қатысты.

Бұндай акция басқа ұлт өкілдері оқушылары арасында сауаттылық деңгейін анықтап, мемлекеттік тілде жазу, сөйлеу дағдыларын арттыруға мүмкіндік береді.